Ol úshin jobanyń budget.open-almaty.kz saıtynda tirkelý qajet.
Ótinimder 20 shildege deıin qabyldanady, dep habarlaıdy Almaty-akshamy.kz
Aýlalardy abattandyrý, saıabaqtar men skverler qurý, sport alańdaryn nemese kóshelerdi jaryqtandyrý. Qala turǵyndarynyń osy jáne basqa da ıdeıalary búdjet qarajaty esebinen atalǵan joba aıasynda júzege asyrylýda.
Usynys 8 sanattyń birine sáıkes kelýi kerek: 1) aýmaqty kógaldandyrý; 2) trotýarlardy abattandyrý; 3) trotýarlardy, pandýstardy, aryqtardy salý jáne jóndeý; 4) ortaq paıdalanylatyn oryndardy (saıabaqtar, skverler, jaıaý júrginshiler aımaqtary jáne ózge de obektiler) qurý, jóndeý jáne jaryqtandyrý; 5) jıekterdi, kespe tastardy, tireýish qabyrǵalardy jóndeý; 6) qoqys tastaıtyn jerlerdi joıý; 7) balalarǵa arnalǵan oıyndar men eresekterdiń demalysyna arnalǵan lashyqtardy, oryndyqtardy, ýrnalardy, jabdyqtar men qurylymdardy ornatý jáne jóndeý; 8) aýla aýmaqtarynda jáne jalpy paıdalaný oryndarynda sporttyq (jattyǵý alańdaryn, fýtbol, basketbol, voleıbol alańdaryn), balalardyń oıyn alańdaryn ornatý, jóndeý jáne jaryqtandyrý.