Fabrıkalar bir jumyrtqa úshin 3 teńge mólsherinde sýbsıdıa alýǵa ótinim bere alady.
Shildeniń birinen bastap Qazaqstandaǵy qus fabrıkalary bir jumyrtqa úshin 3 teńge mólsherinde sýbsıdıa alýǵa ótinim bere alady, dep habarlady Almaty-akshmy.kz.
Aýyl sharýashylyǵy mınıstrliginiń málimetinshe, asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdıalaý qaǵıdalaryna taǵamdyq jumyrtqany sýbsıdıalaýdy qosý týraly ózgerister men tolyqtyrýlar engizildi.
Qaǵıdalar 2022 jyldyń 30 maýsymda resmı jarıalanǵannan keıin, 10 kúntizbelik kún ótken soń qoldanysqa engiziledi.
«Osylaısha, otandyq jumyrtqa baǵytyndaǵy qus fabrıkalary 1 shildeden bastap, bir jumyrtqa úshin 3 teńge mólsherinde sýbsıdıa alýǵa ótinim bere alady. Bıyl taǵamdyq jumyrtqany sýbsıdıalaýǵa respýblıkalyq búdjetten 6,5 mlrd teńge bólindi», - delingen ASHM baspasóz qyzmetiniń habarlamasynda.
2021 jyly jumyrtqa qus sharýashylyǵyn qoldaýǵa 4,3 mlrd teńge baǵyttaldy.
2022 jylǵy 1 mamyrdaǵy jaǵdaı boıynsha, ótken jyldyń sáıkes kezeńimen salystyrǵanda, Qazaqstanda qustardyń sany 3,7% - 47,1 mln basqa deıin ósti.
Taýyq jumyrtqasynyń óndirisi 12,1% artyp, 1559,5 mln danany qurady.
İshki naryqtyń taǵamdyq jumyrtqamen qamtamasyz etilýi 100% quraıdy.