Áleýmettik jeli paıdalanýshylary arasynda 18:00-den keıin tamaq ishpeýge keńes berilgen habarlamalar tarap júr, dep habarlaıdy Almaty-akshamy.kz.
Mundaı dıeta salmaqty azaıtyp qana qoımaı, sonymen qatar saýyǵýǵa kómektesedi. Stopfake.kz bul aqparattyń shyndyqqa janaspaıtynyn, ıaǵnı, mıf ekendigin jarıalady.
18:00-den keıingi tamaqtaný óte zıandy jáne artyq salmaqtyń tez ósýine ákeledi degen teorıanyń ǵylymı negizi joq jáne 23:00-de jatyp, 6:00-de turatyn qarapaıym adamnyń «klasıkalyq» kún tártibine súıenedi. Qazirdiń ózinde eskirgen jáne joqqa shyǵarylǵan teorıaǵa sáıkes, osy rejımde sońǵy ret saǵat 18:00-de tamaqtaný arqyly 12 saǵat boıy ash júrý kezeńi qalyptasady. Bul salmaq joǵaltýǵa yqpal etedi eken.
Shyndyǵynda, birinshiden, tamaq ishý men ash júrý arqyly salmaq joǵaltýǵa bolatynyna ǵylymı negiz joq. Ekinshiden, eger adam 23:00-de emes, 2:00-de jatyp, 10:00-de tursa, onda 18:00-den bastap ash júrýdiń eshqandaı paıdasy joq.
Sonymen qatar ǵalymdar salmaq joǵaltý úshin saǵattardy emes, kalorıalar jınaý men joǵaltýdy eseptegen jón degen qorytyndyǵa keldi.
Nýtrısıologtardyń pikirinshe, aqýyzdar, maılar jáne kómirsýlar araqatynasyn saqtaı otyryp, ár eki-tórt saǵat saıyn turaqty tamaqtanǵan durys.
Bul rette taǵam táýlik ýaqytyna qaramastan birdeı qorytylady.
18:00-den keıin tamaqtan bas tartý aǵzanyń saýyǵýyna yqpal etetinine ǵylymı dálelder joq. Kerisinshe, mundaı qatań shekteýler tamaqtaný tártibiniń buzylýyna, «ruqsat etilgen» ýaqytta shamadan tys tamaqtanýǵa jáne buzylýlarǵa ákelýi múmkin.
Olaı bolsa, densaýlyqty jaqsartý jáne artyq salmaqtan arylý úshin keshki altydan keıin tamaq ishpeý boıynsha keńester negizsiz.