Bishkekte «Art-Ordo» 9-shy halyqaralyq teatr festıvali ótip jatyr, dep habarlaıdy almaty-akshamy.kz 24. kz-ke silteme jasap.
Aıtýly is-shara aıasynda Qalıbek Qýanyshbaev atyndaǵy memlekettik akademıalyq qazaq mýzykalyq-drama teatrynyń «Qozy Kórpesh-Baıan Sulý» spektakliniń premerasy ótti.
Bishkektikter Qalıbek Qýanyshbaev atyndaǵy memlekettik akademıalyq qazaq mýzykalyq-drama teatrynyń spektaklin zor yqylaspen qabyldady. Sahnada akterlardan basqa, orkestr de óner kórsetken. Bul dramalyq shyǵarmanyń áserin arttyra tústi. Osylaısha, avtor klasıkalyq qur baıandaýdan bas tartyp, Qozy Kórpesh pen Baıan Sulýdyń mahabbat hıkaıasyn zamanaýı tásilde jetkize bilgen.
Shah-Murat Ordabaev, teatr akteri:
- Bul spektákl sheteldegi festıválge alǵash ret usynyldy, sondyqtan biz, árıne, qobaljımyz. Onyń ústine biz kóppiz, munda artıser ǵana emes, halyq orkestri de bar. Nátıjesinde aıryqsha senografıa jasaldy. Sondyqtan biz opera teatrynyń sahnasynda óner kórsetip jatyrmyz. Bizge drama endi azdyq etedi.
Halyq aspaptar orkestri barlyq mýzykalyq partıalardy jandy mánerde oryndap, spektalge ózgeshe sıpat berdi. Sahnada eski zaman hıkaıasy zamanaýı áýenmen órbip otyrdy. Tipti Maıkl Djeksonnyń da ánderinen úzindi berilgen.
Aıbolat Jáýdir, Qalıbek Qýanyshbaev atyndaǵy memlekettik akademıalyq qazaq mýzykalyq-drama teatrynyń dırektory:
- Cpektaklimizdiń rejıssóri – Gúlnaz Balpeıisova, qazirgi tańda Máskeýdegi Vahtangov teatrynyń rejıssóri. Qoıýshy-sýretshisi – Qanat Muratov, Qazaqstannyń eńbek sińirgen qaıratkeri. Jáne dırıjeri – Maral Myrzakulova. Bul jerde spektákl jandy daýysta ótedi.
Halyqaralyq teatr festıvaline Qazaqstannan basqa, Túrkıa, Ózbekstan, Reseı men Belarýs te qatysyp jatyr. Olar qoıǵan spektáklderdi qazylar alqasy baǵalaıdy. Sarapshylar qazaq spektakliniń úzdik atanýǵa múmkindigi mol deıdi.