Búgin Almaty qalasynda "S. J. Asfendıarov atyndaǵy Qazaq ulttyq medısına ýnıversıteti" KeAQ bazasynda "Mentaldyq densaýlyq. Psıhoáleýmettik aspektiler" ǵylymı-halyqaralyq praktıkalyq konferensıa ótti.
Konferensıanyń jumysyna "V.M. Behterev atyndaǵy psıhıatrıa jáne narkologıa ulttyq medısınalyq zertteý ortalyǵy" MBF dırektory - N.G.Neznanov, Ózbekstan Respýblıkasy Densaýlyq saqtaý mınıstrliginiń bas psıhıatry – Ý.H.Alımov, Tájikstan Respýblıkasy DSM psıhıkalyq densaýlyq jónindegi bas mamany - H.K.Kýngýrotov, sondaı-aq Reseı, Ózbekstan, Tájikstan jáne Qyrǵyzstandy qosa alǵanda QR jáne jaqyn shet elderdiń ǵalymdary qatysty, dep habarlaıdy almaty-akshamy.kz.
Almaty dáleldeýdiń joǵary deńgeıi bar úzdik álemdik praktıkalardyń negizinde psıhıkalyq densaýlyqty saqtaý jáne ilgeriletý, aqyl-oı kemistigi bar adamdardy emdeý jáne ońaltý máseleleri boıynsha tájirıbe jáne pikir almasý úshin dıalog alańyna aınaldy. Psıhıkalyq densaýlyq qyzmetin uıymdastyrý máselelerine, táýeldilikti qosa alǵanda, psıhıkalyq buzylýlary bar adamdardy emdeýdegi psıhoterapıalyq jáne psıhofarmakologıalyq tásilderge erekshe nazar aýdarylatyn bolady.
Óz sózinde QR DSM "Respýblıkalyq psıhıkalyq densaýlyq ǵylymı-praktıkalyq ortalyǵy" SHJQ RMK Bas dırektory K.S.Altynbekov ulttyń ál-aýqaty men qaýipsizdigin qamtamasyz etý úshin psıhıkalyq densaýlyqtyń mańyzdylyǵyn atap ótti.
Sondaı-aq, ol psıhıatrıalyq jáne narkologıalyq kómekti uıymdastyrýdy normatıvtik-quqyqtyq retteý, medısınalyq-áleýmettik ońaltýdy, farmakogenetıkany jáne mamandandyrylǵan kómek kórsetýdiń derbestendirilgen tásilderin engizý jalǵasyp jatqanyn habarlady.
Qazaqstan Respýblıkasynyń Prezıdenti Qasym-Jomart Toqaevtyń sıntetıkalyq esirtkilerdiń jappaı taralýyna qarsy kúres jónindegi tapsyrmasyn oryndaý sheńberinde nashaqorlyqpen jáne esirtki bıznesimen kúresý úshin 2023-2025 jyldarǵa arnalǵan keshendi jospar ázirlengeni atap ótildi. Respýblıkanyń psıhıkalyq densaýlyq saqtaý qyzmetin medısınalyq-sanıtarıalyq alǵashqy kómekke biriktirýge erekshe nazar aýdaryldy. Bul qadamdy Dúnıejúzilik densaýlyq saqtaý uıymy joǵary baǵalady jáne 22-23 qazanda Astana qalasynda ótetin Almaty Deklarasıasynyń 45 jyldyǵyna jáne Astananyń medısınalyq-sanıtarıalyq alǵashqy kómek týraly deklarasıasynyń 5 jyldyǵyna arnalǵan Medısınalyq-sanıtarıalyq alǵashqy kómek jónindegi jahandyq konferensıanyń kún tártibine engizildi.
