«Qaırat» fýtbol komandasynyń oıynshysy Arsen Býranchıevke ota jasaldy.
Keshe ortalyq stadıonda ótken jergilikti «Qaırat» jáne «Aqtóbe» komandalary arasyndaǵy fýtbol machynda Arsen Býranchıev dopqa talasqan sátte aýyr jaraqat alyp, shuǵyl túrde aýrýhanaǵa jetkizilgen bolatyn, dp habarlaıdy Almaty-akshamy.kz.
Qazirgi ýaqytta Arsen reanımasıada jatyr. Onyń jaǵdaıy óte aýyr. Fýtbolshyǵa dárigerler muqıat qarap jatyr.
«Qaırat» FK men Qazaqstan fýtbol federasıasynyń basshylary aýrýhanada jáne olar qajetti kómegin kórsetip jatyr.
«BAQ ókilderinen klýbtyń baspasóz qyzmetine júginýin jáne tekserilmegen aqparatty taratpaýyn suraımyz. Biz Arsen úshin alańdap, oǵan tezirek saýyǵyp ketýine tilektespiz» dep habarlady klýbtyń baspasóz qyzmeti.
Arsen Muqashbekuly - qazaqstandyq fýtbolshy, «Qaırat» klýbynyń jáne Qazaqstan jastar quramasynyń jartylaı qorǵaýshysy.
2001 jyly 9 qyrkúıekte Qyrǵyzstan astanasynda dúnıege kelgen.
Fýtboldaǵy jolyn 2018 jyly ekinshi lıgadaǵy «Qaırat M» klýbynyń quramynda bastaǵan.
2021 jyldyń 24 naýryzynda Qazaqstan jastar quramasy sapynda Makedonıa jastar quramasyna qarsy oıynda (2:1) debút jasady.