Grant somasy 400 AEK-ke teń.
Ár qatysýshy ony tek bir ret ala alady, dep habarlaıdy Almaty-akshamy.kz
Bıznes-ıdeıalardy iske asyrý úshin business.enbek.kz portalynda 15 mamyrdan bastap grantqa ótinim qabyldaý bastaldy.
Respýblıka boıynsha ekinshi lekte 2 697 adamǵa grant berý josparlanyp otyr. Grant somasy 400 AEK-ke teń. Ár qatysýshy ony tek bir ret ala alady. Grant qarajaty isin jańa bastaǵan kásipkerlerge ózderiniń bıznes áleýetin ashýǵa, óndiristi jolǵa qoıýǵa jáne damytýǵa, sol arqyly ózin turaqty tabyspen qamtamasyz etýge múmkindik beredi.
Qandaı qujat kerek?
Ótinim berý úshin:
portalda tirkelý;
grant alý sharttaryna sáıkestigine tekserýden ótý;
bıznes-jospar úlgisin júktep alyp, ony toltyrý jáne portalǵa engizý;
ótinish nysanyn toltyrý jáne ESQ kiltimen qol qoıý qajet.
Internetke nemese kompúterge qoljetimdilik bolmaǵan jaǵdaıda halyqqa qyzmet kórsetý ortalyqtarynda ótinim berýge bolady. Sondaı-aq, "Bastaý Bıznes" jobasy boıynsha kásipkerlik negizderine oqytý týraly 3 jyldan aspaıtyn merzimge sertıfıkaty bolýy tıis.