«Satyp alýdyń biryńǵaı terezesi» júıesi «qolma-qol» rejıminde sybaılas jemqorlyqty anyqtaıdy.
Sybaılas jemqorlyqqa qarsy is-qımyl agenttigi aǵymdaǵy jyldyń 8 aıyndaǵy memlekettik satyp alýlardaǵy baǵa komplaensiniń nátıjelerin jarıalady, dep habarlaıdy Almaty-akshamy.kz.
«Atameken» UKP-men birlesip, «satyp alýdyń biryńǵaı terezesi» AJ-ny paıdalana otyryp, Memlekettik satyp alýlarǵa monıtorıń júrgizý sheńberinde 39 mlrd teńgege (38,8 mlrd) jýyq somaǵa búdjet qarajatynyń tıimsiz jumsalýyna jol berilmedi.
Agenttiktiń taldaýshylary «Atameken» UKP-nyń «Satyp alýdyń biryńǵaı terezesi» júıesi arqyly «qolma-qol» rejıminde sybaılas jemqorlyqtyń joǵary yqtımaldyǵy bar tapsyrys berýshilerdi anyqtaıdy.
Nátıjeler «táýekel tobyndaǵy» búdjettik baǵdarlamalardyń barlyq ákimshilerine jiberiledi. Negizgi maqsat-satyp alý josparynyń tarmaqtaryn «barabar» baǵaǵa qaraı qaıta qaraý qajettigi týraly eskertý.
Sondaı-aq, óziniń korporatıvtik mádenıetine sybaılas jemqorlyqqa qarsy júıeni engizýge daıyn bıznesti sybaılas jemqorlyqqa qarsy súıemeldeý jalǵasýda.
«Protecting business and investments» jobasy sheńberinde «Atameken» UKP-men birlesip, bıznes betpe-bet keletin kedergiler joıylýda, memlekettik organdarǵa tıisti usynymdar jiberilýde.
Mysal retinde Almaty qalasynda sybaılas jemqorlyqqa qarsy súıemeldeýmen bolǵan qarjy lıseıiniń «Bilim kúnine» ashylýy atap ótildi. Mektep 600 oqýshyǵa sapaly bilim alýǵa múmkindik berdi.
Jalpy, joba aıasynda bıznes úshin 100-ge jýyq ákimshilik kedergiler anyqtaldy, olar «Atameken» UKP problemalyq máseleler tiziliminde ornalastyrylǵan.