Oqıǵa ornyna oblys ákimi Asaıyn Baıhanov bardy
Pavlodar oblysynyń Baıanaýyl aýdanyndaǵy Maıqaıyń kenishine 4 jolaýshy otyrǵan avtobýs qulap ketti, dep habarlaıdy almaty-akshamy.kz. oblystyq TJD baspasóz qyzmeti.
Oqys oqıǵa búgin saǵat 01:25 shamasynda bolǵan. Kenish «Maıkaınzoloto» AQ-ǵa tıesili.
Shuńǵyrǵa qulaǵan avtobýsta 4 jolaýshy (KÁAQQ ROSH Pavlodar fılıalynyń 3 qutqarýshysy men 1 júrgizýshi) otyrǵan. Shuńqyrdyń uzyndyǵy – 150-200 metr, eni – 500 metr, tereńdigi – 150 metr. Shahtadan 33 jumysshy evakýasıalandy. Olardyń ómiri men densaýlyǵyna qaýip tóngen joq.
Jedel shtab uıymdastyryldy. Pavlodar oblysynyń ákimi Asaıyn Baıhanov, TJD men jergilikti atqarýshy organdardyń basshylyǵy oqıǵa ornyna bardy.
Búginde «Maıkaınzoloto» AQ kenishinde avarıalyq-qutqarý jumystary júrgizilip jatyr. Apattyń saldaryn joıýǵa 44 adam men 13 tehnıka, bir dron jumyldyryldy.