QR Syrtqy ister mınıstrliginde ótken brıfıńte vedomstvonyń resmı ókili Aıbek Smadıarov Kenesary hannyń basyn otanyna qaıtarý múmkindigine qatysty pikir bildirdi, dep habarlaıdy Almaty-akshamy.kz.
Vedomstvonyń resmı ókiliniń sózinshe, Kenesary hannyń basy joq degen de derekter bar.
«Keıbir málimetter boıynsha, reseı tarapynyń aıtýynsha, bas tabıǵatta joq kórinedi», - dedi Aıbek Smadıarov.
Ol Kenesary hanǵa qatysty máselelerdi qazaq tarıhshylary reseılik áriptesterimen birlese otyryp naqtylaýy kerek ekenin aıtty.
Tarıhı derekterde Kenesarynyń 1847 jyly qyrǵyz jerindegi Kekilik-Seńgir ańǵarynda ustalyp, Jamby aýylynda óltirilgeni, denesi sonda qaldyrylyp, bas súıeginiń Ombydaǵy Batys-Sibir aımaǵynyń general-gýbernatory, knáz Petr Gorchakovqa aparyp berilgeni aıtylady.