«Jarqyn kúz»: Aıýsaı shatqalynda týrıser men Almaty turǵyndary 300 kg qoqys jınady
«Jarqyn kúz» kúzgi naýqany turǵyndar men týrıserdi biriktirdi. Aıýsaı shatqalynda Almaty jáne Almaty Tourism Bureau týrızm basqarmasy uıymdastyrǵan tabıǵı obekt pen vızıt-ortalyqtyń aýmaǵyn jınaý boıynsha is-shara ótti. Beı-jaı qaramaıtyn qala turǵyndary Aıýsaı ózeniniń soqpaǵy men jaǵasyndaǵy tazalyqtardy plasıkalyq bótelkelerden, qaptamalardan jáne basqa da qaldyqtardan tazartty. Nátıjesinde demalýshylar qaldyrǵan 300 kg-ǵa jýyq qoqys jınaldy.
«Bul jaı ǵana tazalaý emes, bolashaqqa jasalǵan qadam. Biz nemquraılylyǵymyzben tabıǵatqa keltiretin zıandy elemeýge bolmaıdy. Búgingi is - shara bárimizdiń qalamyzdyń tazalyǵy men biregeı tabıǵatyn saqtaýǵa óz úlesimizdi qosa alatynymyzdy kórsetti», - dep atap ótti aksıaǵa qatysýshy, Qazaq National Parks kompanıasynyń ókili Tilek Ádiljanov.
Jyl basynan beri Aıýsaı shatqalyna 400 myńǵa jýyq týrıs keldi, onyń ishinde 200 myńǵa jýyǵy keńes alý úshin «Aıýsaı» vızıt ortalyǵyna júgindi.
Esterińizge sala keteıik, Almatyda «Taza Qazaqstan» jalpyrespýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda «Jarqyn kúz» aksıasy ótip jatyr. Aksıa ekologıalyq jaýapkershilikti arttyrýǵa jáne qalanyń tazalyǵyn saqtaý máselelerine jurtshylyqtyń nazaryn aýdarýǵa baǵyttalǵan.