Jarna quny 2 125 teńgeden 3 000 teńgege deıin ósedi.
Qazaqstanda 2022 jyldan bastap MÁMS úshin jalaqydan ustalatyn qarjy mólsheri kóbeıedi, dep habarlaıdy Almaty-akshamy.kz
«Keler jyly eń tómengi jalaqy mólsheri kóbeıedi. Soǵan sáıkes, MÁMS-tiń jarna mólsherlemesi de 2 125 teńgeden 3 000 teńgege deıin ósedi», – dedi Áleýmettik medısınalyq saqtandyrý qorynyń aqparattyq-túsindirý jumysy basqarmasynyń basshysy Irına Podskochaıa.
Spıkerdiń aıtýynsha, kelesi jyly jumys berýshilerdiń MÁMS-ke aýdarymdarynyń mólsheri 3%-ǵa deıin ósedi. Alaıda jarnalar jalaqynyń 2% mólsherinde burynǵysynsha jalaqydan ustalatyn bolady.
«2022 jyly eń tómengi jalaqy mólsheri 42 500 teńgeden 60 000 teńgege deıin kóbeımek. Sondyqtan MÁMS jarnasy da 2 125 teńgeden 3 000 teńgege deıin ózgeredi (1 ETJ-dan 5%). Ózgerister JK, ASH ıelerine jáne jeke praktıkamen aınalysatyn tulǵalarǵa qatysty – 2 975 teńgeden 4 200 teńgege deıin (1,4 ETJ-dan 5%)», – dedi basqarma basshysy.