Táýelsizdiktiń 30 jyldyǵyna Almaty qalaı ózgerdi?
Mereıtoılyq kúnge oraı megapolıstiń ortalyǵyndaǵy jáne barlyq aýdandaryndaǵy alańdar, sondaı-aq dańǵyldar men kósheler taqyryptyq kórkem jaryqpen, memlekettik rámizderi bar bannerlermen jáne ınstallásıalarmen bezendirildi, dep habarlaıdy Almaty-akshamy.kz
Táýelsizdik kúnine deıin bir aptadan az ýaqyt qaldy, al Almaty qalasy turǵyndar men qonaqtardy ajarly kórkimen qýantýda. Mereıli merekege oraı qala ákimdigi birden birneshe alańdardy, dańǵyldar men kóshelerdi qaıta ózgertti.
«Taqyryptyq bezendirý mereıtoı kúniniń saltanatyn, óskeleń urpaqtyń boıynda patrıottyq sezimdi oıatýdy, Táýelsizdik jetistikteri týraly oılardy, súıikti qala men elge degen qurmetti bildiredi», - dep túsindirdi merekelik bezendirýdiń mańyzdylyǵyn Almaty ákimdiginde.
Sáýlet-kórkem jaryqtandyrý Respýblıka, Astana alańdarynda, Tuńǵysh Prezıdent saıabaǵynda, «Medeý» BSK-niń janyna, «Alataý kreatıv hab» ǵımaratynyń aldyna ornatylǵan. Búkil qala boıynsha merekelik bılbordtar ornalastyrylǵan.
Ulttyq kitaphananyń aldynda erekshe ınstallásıa – Táýelsizdiktiń mereıtoılyq datasy belgilengen tekshe paıda boldy. Aıta keterligi, bul móldir tekshe jaı qoıylmaǵan, sáýletshiler ony ejelgi sımvolǵa baǵalaıdy ári adamnyń aqylymen baılanysty deıdi. Damýdyń, turaqtylyqtyń, beriktiktiń jáne uzaqtyqtyń sımvoly. Sondyqtan ony Ulttyq kitaphanada ornatý týraly sheshim qabyldandy.
Alataý aýdany ákimdiginiń aldyndaǵy alańda kıiz úı jáne shańyraq túrinde ınstallásıa ornatylǵan, ol qarańǵyda jaryqqa oranyp, erekshe sıpatqa bólenedi. Shańyraqtyń ár keregesi memlekettiliktiń qalyptasýyndaǵy belgili bir kezeńdi bildiredi. Kompozısıa zamanaýı estetıkalyq materıaldardan jasalǵan.
Taǵy bir merekelik qurylym Naýryzbaı aýdany ákimdiginiń aldyndaǵy alańda ornatyldy. Eskertkishte qanatty barysty basqaratyn «Altyn Adam» beınelengen, ol Qazaqstan jerindegi berik memlekettik bılikti beıneleıdi.
Ál-Farabı dańǵyly, SHAAJ jáne Buqtyrma kóshesi taqyryptyq bezendirilgen. Almaty ákimdigi jańa qalalyq bezendirý ózektiligin joǵaltpaıtynyna senimdi, kerisinshe patrıottyq dızaın qala turǵyndaryna Otanǵa degen súıispenshilikti eske salady. Bulardan basqa, Táýelsizdiktiń 30 jyldyǵyna arnalǵan mereıtoılyq ınstallásıalar qalanyń kórneki jerlerine jańarǵan ásem kórinis berýde.