Bul týraly Úkimet otyrysynda Kólik mınıstri Marat Qarabaev málimdedi, dep habarlaıdy almaty-akshamy.kz.
Joldarǵa salynyp jatqan úlken ınvestısıalardy eskere otyryp, salynǵan jańa joldardy tıisti deńgeıde saqtap qalý asa mańyzdy. Memleketimizde 450 myńnan astam júk kóligi tirkelse, onyń 60 myńy ruqsat etilgen 25 tonna júk tasý kólemin saqtamaıdy, - dedi mınıstr.
Qarabaev atap ótkendeı, bul joldardyń buzylýyna tikeleı áser etedi. Osyǵan baılanysty karer ıeleriniń salmaq parametrlerin saqtaý boıynsha jaýapkershiligin kúsheıtý, karerlik samosvaldardyń jalpyǵa ortaq paıdalanylatyn joldarǵa shyǵýyna tyıym salýǵa tıisti zańnamalyq túzetýler ázirlendi.
Vedomstvo basshysynyń aıtýyna qaraǵanda, bul normalardy qyrkúıek aıyna deıin Májiliske kirgizip, 2025 jyldyń basynan bastap kúshine engizý josparlanyp otyr.
Kelesi jyldyń aıaǵyna deıin avtokóliktiń qozǵalysy kezinde salmaǵyn ólsheıtin 220 stansıalaryn ornatý jumystary bastalady. Ólsheý stansıalary – buzýshylyqtardy onlaın tirkep, aıyppuldy «Sergek» baǵdarlamasy formatynda rásimdeıdi, - dep aıtty ol.
Mınıstrliktiń deregine sáıkes, 2023 jyly iri gabarıtti aýyr salmaqtar boıynsha 250 000-nan astam júk kóligi tekserildi, 85 500-ge jýyq buzýshylyqtar anyqtalǵan. Artyq júktememen 20 406 júk kólikteriniń júrýine jol berilmedi. Júk kólikteriniń jol aqysynan 25 mlrd teńgeden astam aıyppul óndirildi.