Bul týraly qala ákiminiń orynbasary Asqar Ámrın 2024-2026 jyldarǵa arnalǵan megapolıs búdjetiniń jobasy qaralǵan Almaty máslıhatynyń kezekten tys sesıasynda habarlady.
Aıtýynsha, bıyl 14,6 mlrd. teńgege 17,7 shaqyrym jylý jelisin qaıta jańartý jáne jóndeý jumystary júrgizilgen. «QazTransGaz Aımaq» ınvestısıalyq baǵdarlamasy boıynsha 355 jeke turǵyn úıdi qamtıtyn 23,2 shaqyrym gazben jabdyqtaý jelisiniń qurylysy júrgizilip jatyr.
«Kelesi jyly jergilikti búdjet qarajatyna 1,6 mlrd. teńge kóleminde Naýryzbaı aýdanynda gazben jabdyqtaýdyń magıstraldyq jelileriniń qurylysy bastalady. «Alma City», «Elim-aı 4» sıaqty turǵyn úı keshenderiniń jáne «Elıseı alańdary» kotej qalashyǵynyń 3 myń turǵyny qamtylady», - dedi Asqar Ámrın.
Onyń aıtýynsha, 2024 jyly 30 nysandy qamtıtyn 5 qazandyqty (Juldyz, Solnechnaıa, Taıyrov, Medeý jáne Kemel sh/a.) qaıta jańartý aıaqtalady. Oǵan 2,7 mlrd. teńge bólinedi. Kelesi jyly 10,2 km-den astam jylý jelilerin qaıta jańartý aıaqtalady. Keler jyldyń búdjetinde bul maqsattarǵa 5,9 mlrd. teńge qarastyrylǵan.
Sonymen qatar, 2024 jyly Naýryzbaı aýdanynda tıisti ınjenerlik-kommýnıkasıalyq ınfraqurylymy bar turǵyn úı qurylysy jalǵasady. Oǵan 12 mlrd. teńge bólinedi