Kelesi jyldan bastap bıznesti tekserýge moratorıı merzimi aıaqtalady
Parlamentte ulttyq ekonomıka mınıstri birqatar túzetýler engizip, kásipkerlik sýbektilerin memlekettik baqylaý men qadaǵalaý júıesin reformalaýdy josparlap otyrǵanyn aıtyp berdi, dep habarlaıdy almaty-akshamy.kz
“Táýekelderdi basqarý júıesi baqylaýdyń 70 salasynda engiziledi. Tekserý kestesi adamnyń qatysýynsyz qalyptasady. Avtomattandyrylǵan. Eger obekt, bıznes sýbektisi zańdy óreskel buzsa, eskertýsiz tekseris bolýy múmkin. Mysaly ol memleketke zıan keltiretin, halyqtyń ómiri men densaýlyǵyna, ekologıaǵa, ulttyq qaýipsizdikke zıan keltiretin sharalar qoldansa, kenet tekseris júredi”, – dedi Álibek Qýantyrov.
Jedel den qoıý sharalary memleket ómirine barynsha áser etetin salalarǵa qatysty bolady. Depýtattar bul ınovasıalar tabıǵı monopolıalar sýbektileriniń tarıf belgileýiniń ashyqtyǵyn arttyrady deıdi. Bıznesti júrgizý máseleleri jónindegi zań jobasyna 300-den astam túzetýler engizý usynylyp otyr. Olardyń biri – kásipkerlerdi jazalaýdan quqyq buzýshylyqtyń aldyn alý. Sondyqtan bıznesmenderge qateliktermen jumys isteýge múmkindik beriledi deıdi sarapshylar.
“1 qańtardan bastap olardyń baqylaýyndaǵy sýbektilerdiń tek 5%-y ǵana tekseriledi. Shyn máninde, memlekettiń maqsaty – jazalaý nemese aıyppul salý emes. Kásipkerdiń jibergen kemshilikterin túzetýine múmkindik bere otyryp, siz ony jazalasańyz, ony resýrstardyń kóleminen aıyrasyz, meniń oıymsha, bul ekonomıka turǵysynan áldeqaıda tıimdi”, – dedi Qaraǵandy oblysy kásipkerler qaýymdastyǵynyń prezıdenti Gúlnár Qurbanbaeva.