27 qyrkúıekten bastap birqatar is-shara ótkizýge ruqsat beriledi.
Kelesi aptadan bastap qazaqstandyqtarǵa toı ótkizýge ruqsat berildi. Ashyq boıynsha «qaýipsiz» mártebesi bar qyzmetkerler men kelýshilerdiń qatysýymen birqatar is-shara ótkizýge ruqsat etildi. Bul týraly Qazaqstannyń Premer-Mınıstriniń orynbasary Eraly Toǵjanovtyń tóraǵalyǵymen COVID-19 taralýyna jol bermeý jónindegi vedomstvoaralyq komısıanyń otyrysynda belgili boldy, dep habarlaıdy Almaty-akshamy.kz Primeminister.kz silteme jasap.
Densaýlyq saqtaý mınıstri Alekseı Soı eldegi epıdemıologıalyq jaǵdaı turaqtanǵanyn, sońǵy 2 aptada syrqattanýshylyq pen ólim-jitim deńgeıi 60%-ǵa tómendegenin aıtty. Osyǵan baılanysty VAK birqatar sheshim qabyldady:
16 elmen áýe qatynasyn jańartý jáne ulǵaıtý (Reseı Federasıasy, Túrkıa, BAÁ, Ózbekstan, Germanıa, Maldıv, Koreıa, Polsha, Vengrıa, Italıa, Chehıa, Shrı-Lanka, Qytaı, Saýd Arabıasy, Kýveıt, Ázerbaıjan).
Qolaıly epıdemıologıalyq ahýaly jáne halyqty vaksınalaýdyń joǵary deńgeıi bar 30 shet memleketpen Qazaqstan Respýblıkasyna kirý úshin vızasyz rejımdi qaıta bastaý (Italıa, Nıderlandy, Fransıa, Germanıa, Ispanıa, Japonıa, BAÁ, Saýd Arabıasy, Kýveıt, Polsha Danıa, Chılı, Vengrıa, Koreıa, Chehıa, Bahreın, Katar, Monako, Kıpr, Islandıa, Fınlándıa, Malta, Shvesıa, Portýgalıa, Lıhtenshteın, Slovakıa, Lúksembýrg, Kanada, Sıngapýr, Belgıa).
Sondaı-aq Erjan Toǵjanov vaksına alýdyń qoljetimdiligin arttyrý maqsatynda ákimdikterge áýejaılarda, temir jol vokzaldarynda, iri bazarlar men saýda oryndarynda talaptarǵa sáıkes keletin pýnktter uıymdastyrýdy tapsyrdy.
VAK otyrysynyń qorytyndysy boıynsha Premer-Mınıstrdiń orynbasary birqatar basqa tapsyrmalar berdi.