Kelesi aptada Qasym-Jomart Toqaevtyń eki el prezıdentterimen kezdesýi josparlanǵan.
Qasym-Jomart Toqaev 28 qarasha kúni resmı saparmen Reseı Federasıasyna barady. Bul jaıynda Prezıdenttiń baspasóz qyzmetinen málim boldy, dep habarlaıdy Almaty-akshamy.kz QazAqparatqa silteme jasap.
Memleket basshysy Máskeýde Reseı Prezıdenti Vladımır Pýtınmen kelissóz júrgizedi. Sondaı-aq eki el basshylary Qazaqstan men Reseıdiń Óńiraralyq yntymaqtastyq forýmynyń jumysyna beınebaılanys rejıminde qatysady.
29-30 qarasha kúnderi Qazaqstan Prezıdenti Fransıaǵa resmı saparmen barady. Qasym-Jomart Toqaev Parıjde Fransıa Prezıdenti Emmanúel Makronmen kelissóz júrgizedi dep josparlanyp otyr. Kelissóz barysynda saýda-ekonomıkalyq, ınvestısıalyq jáne gýmanıtarlyq salalardaǵy strategıalyq seriktestikti damytý perspektıvalary talqylanady.
Sonymen qatar Memleket basshysy Fransıanyń isker toptary ókilderimen birqatar kezdesý ótkizedi.