Quramynda 64 partıa múshesi bar AMANAT partıasynyń Almaty qalalyq shtaby ashylǵan sátten bastap Almaty turǵyndarynyń túrli sanattary úshin aqparattyq-túsindirý sıpatyndaǵy bes júzge jýyq is-shara ótkizdi. Jalpy, 20 000-nan astam adam qamtyldy.
Megapolıstiń eńbek ujymdarymen kezdesý qala turǵyndary tarapynan shynaıy qoldaý men qyzyǵýshylyq tanytty. Osylaısha, shtab músheleri referendýmǵa qatysty 1000-ǵa jýyq usynystar men tilekterdi, sondaı-aq almatylyqtardy tolǵandyratyn basqa da ózekti máselelerdi qabyldady. Endigi kezekte sol tilekterdi júzege asyrýǵa kirisemiz.
Sonymen qatar, AMANAT partıasynyń Almaty qalalyq fılıaly 5 maýsymda 574 daýys berý ýchaskesinde baqylaýshy bolǵan partıa músheleriniń tizimin jasaqtady. Olardyń árqaısysy daıyndyqtan ótti. Daýys berý ýchaskelerinde jedel áreket etý maqsatynda biz partıanyń qalalyq fılıaly qyzmetkerlerinen turatyn toptardyń jaýapty úılestirýshilerin bekittik. Bizdiń ókilder barlyq ashyq 507 ýchaskede daýys berý barysyn qatań qadaǵalady. Olar daýystardyń sanalýyn jáne saılaý ýchaskesi jumysynyń aıaqtalýyn baqylady.
Ortalyq referendým komısıasy usynǵan derekter jarıalanǵan statısıka boıynsha Qazaqstan Konstıtýsıasyna túzetýlerdi saılaýshylardyń 77,18%-y qoldaǵanyn kórsetedi. Almaty turǵyndary men partıa músheleri de erekshe belsendilik tanytty. Bul bizdiń jasaǵan túsindirme jumystarynyń kórsetkishi dep bilemin. Eń bastysy, referendým ashyq jáne demokratıalyq túrde ótti, ol úshin Almatyda barlyq qajetti jaǵdaılar jasalǵan bolatyn.
Erekshe atap ótetinim, "amanattyqtar" úlken-kishisine qaramaı, otbasylarymen de daýys berdi. Mysaly, Uly Otan soǵysynyń ardageri, Áýezov aýdany ardagerler qozǵalysynyń belsendisi Egor Stepanovıch Dolıdýda jastarǵa úlgi boldy. Óziniń ulǵaıǵan jasyna qaramaı, daýys berý ýchaskesine aıaqtaı kelip, óz tańdaýyn jasaǵany - úlken qurmetke turarlyq is. Bizdiń turǵyndar referendýmǵa shetelde júrgenine qaramastan, shette qalmaı, óz konstıtýsıalyq quqyǵyn paıdalandy. Olardyń qatarynda Ystambulda júrgen Almaty qalalyq máslıhatynyń AMANAT partıasy depýtattyq fraksıasynyń múshesi Nurymbek Taý da bar.
Men de ózimniń azamattyq ustanymymdy kórsete otyryp, konstıtýsıalyq ózgertýlerdiń paıdasyna óz tańdaýymdy alǵashqylardyń biri bolyp jasadym. 35 jasymda tuńǵysh ret referendýmǵa qatystym. Bir qyzyǵy, 1995 jyly referendýmda daýys bergen 18 jastaǵy daýys berýge quqyǵy bar azamat qazir 45 jasta eken.
Referendým árbir qazaqstandyqty eldiń qoǵamdyq-saıası júıesin jańartýǵa biryńǵaı umtylyspen biriktirdi. Memleket pen qoǵamnyń ózara áreketiniń jańa modeline kóshý – «Jańa Qazaqstannyń» negizgi baǵdary dep sanaımyn.