Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenova Májilis depýtattarynyń Álıhan Smaıylovqa joldaǵan saýalyna jaýabynda osyndaı málimet berdi, dep habarlaıdy Almaty-akshamy.kz
«Sońǵy bes jylda aýtızm spektri buzylý dıagnozymen esepte turǵan balalardyń sany 3 esege jýyq ósti», - dep jazady vıse-premer.
Resmı statısıka boıynsha, 2018 jyly aýtızmmen aýyratyn 4707 bala anyqtalsa, 2019 jyly olardyń sany 5193-ke, 2020 jyly 6771-ke, 2021 jyly 8796-ǵa, 2022 jyly 12 087-ge jetken.
«Osyǵan baılanysty Úkimet aýtızm spektri buzylý dıagnozyn erte anyqtaý úshin skrınıngterdi uıymdastyrý qaǵıdalaryna tıisti ózgerister men tolyqtyrýlar engizdi. Atap aıtqanda, balalardyń júıke-psıhıkalyq damý shkalasyn ózektendirý júrgizilip, skrınıngterdiń barlyq túrlerin júrgizý algorıtmderin jetildirdi, medısınalyq uıymdar men psıhologıalyq-medısınalyqpedagogıkalyq komısıalar (budan ári - PMPK) arasyndaǵy ózara is-qımyl kúsheıtildi», - dep jazady Tamara Dúısenova.
Onyń aıtýynsha atalǵan skrınıngterge turaqty negizde monıtorıń júrgiziledi.
«2023 jyldyń 3 aıynyń ishinde psıhofızıkalyq damý skrınıngimen 774 myńnan astam bala qamtylyp, 8549 balada psıhofızıkalyq damýdyń buzylýy (1,1%) anyqtaldy. Bul balalar odan ári túzetý ádisterin anyqtaý úshin PMPK-ǵa jiberiledi.
2022 jyly Densaýlyq saqtaý mınıstrligi pedıatrıalyq kómek kórsetýdi uıymdastyrý standartyn qaıta qarap, aýtızmdi anyqtaýǵa arnalǵan jańa modıfıkasıalanǵan skrınıngtik test engizdi», - dedi mınıstr.