Premer-Mınıstr Álıhan Smaıylov Májilis depýtattarynyń saýalyna joldaǵan jaýabynda agrarlyq ýnıversıtetterdiń qalaı transformasıalanyp jatqany týraly málimet berdi, dep habarlaıdy Almaty-akshamy.kz.
«Ulttyq agrarlyq ǵylymı-bilim berý ortalyǵy» komersıalyq emes aksıonerlik qoǵamynyń qyzmetin transformasıalaý baǵytynda jumys júrgizilip jatyr. Bul transformasıa Ulttyq agrarlyq ǵylymı-bilim berý ortalyǵynyń óńirlik ǵylymı jáne tájirıbelik uıymdaryn úsh agrarlyq joǵary oqý ornynyń quramyna berýdi kózdeıdi. Olar: «Qazaq ulttyq agrarlyq zertteý ýnıversıteti» KeAQ, «S. Seıfýllın atyndaǵy Qazaq agrotehnıkalyq zertteý ýnıversıteti» KeAQ, «Jáńgir han atyndaǵy Batys Qazaqstan agrarlyq-tehnıkalyq ýnıversıteti» KeAQ», - delingen jaýapta.
Álıhan Smaıylovtyń aıtýynsha, Aýyl sharýashylyǵy mınıstrligi osy is-sharalardy aıaqtaǵannan keıin atalǵan joǵary oqý oryndaryn Ǵylym jáne joǵary bilim mınıstrligine berý máselesi qaralady.