Depýtattar olardyń qozǵalysyn retteýge qatysty túzetýlerdi maquldady.
Elektr samokatyna trotýar nemese jaıaý júrginshiler jolymen saǵatyna 6 km aspaıtyn jyldamdyqpen júrýine jol beriledi, dep habarlaıdy Almaty-akshamy.kz
Senat depýtattary 22 maýsymdaǵy jalpy otyrysta "Qazaqstan Respýblıkasynyń keıbir zańnamalyq aktilerine jol qozǵalysyn uıymdastyrý máseleleri boıynsha ózgerister men tolyqtyrýlar engizý týraly" zańdy maquldady. Túzetýler elektrsamokattardyń qozǵalysyn retteýge de áser etedi.
Májilis depýtattary zańǵa shaǵyn elektr kólikteri men elektrsamokattardy retteýdi engizý týraly bastama kótergen. Zań boıynsha senat depýtaty Evgenıı Bolgert baıandama jasady.
Zańǵa sáıkes 1) «Shaǵyn elektr kólik quraly» uǵymy onyń tehnıkalyq sıpattamalaryn jáne paıdalaný tártibin quqyqtyq reglamentteı otyryp, júrgizýshiler úshin tyıym salýlardyń tizbesin belgileý engiziledi; 2) «Elektrondyq samokat» uǵymy engiziledi, ol eń joǵary konstrýktıvtik jyldamdyǵy saǵatyna 25 kılometrden aspaıtyn kólik quraly dep tanylady jáne olardyń qozǵalysy úshin oryndar aıqyndalady, sonymen birge olardyń júrgizýshilerine tyıym salynady", - dedi senator.
Atap aıtqanda, Zańmen engizilgen sharttar men tyıymdardy saqtaı otyryp, joldyń júris bóliginiń oń jaq sheti boıynsha elektr samokattardyń júrýine jol beriledi. Atap aıtqanda, bul 18 jasqa tolý, kez kelgen sanattaǵy kólik quralyn basqarý quqyǵyna júrgizýshi kýáliginiń bolýy, túımelengen dýlyǵanyń bolýy, al táýliktiń qarańǵy ýaqytynda qozǵalý kezinde basqa kólik quraldarynyń júrgizýshilerine kórinýdi qamtamasyz etetin jaryq shaǵylystyratyn zattyń bolýy.
Elektr samokatyna trotýar nemese jaıaý júrginshiler jolymen saǵatyna 6 km aspaıtyn jyldamdyqpen júrýine jol beriledi: 3) shaǵyn elektr kólik quraldary men elektr samokattary júrgizýshileriniń quqyqtary men mindetteri belgilenedi;
Budan bólek, basqa quzyretti organda tirkelgen kólik quraldarynyń «Jol qozǵalysy týraly» Zańda kózdelgen talaptarǵa sáıkestigin tekserý úshin ishki ister organdary qyzmetkerleriniń kólik quraldaryn toqtatýynyń negizderin belgileıtin túzetýler engizildi.
Zań - jol qozǵalysyn uıymdastyrý máseleleri jónindegi qoldanystaǵy zańnamany odan ári jetildirý maqsatynda Parlament Májilisi depýtattarynyń bastamashylyǵymen ázirlengen. Zańnyń negizgi maqsaty - qoldanystaǵy quqyqtyq oqylyqtardy joıý jáne shaǵyn elektr kólikterin, sondaı-aq elektr samokattaryn paıdalaný máselelerin zańnamalyq retteý bolyp tabylady. Budan bólek, Zańmen kólik quraldaryn memlekettik tirkeý týraly kýálikterdi, júrgizýshi kýálikterin jáne memlekettik tirkeý nómirlik belgilerin daıyndaýǵa memlekettik monopolıa engiziledi.
Kólik quraldaryn memlekettik tirkeý týraly kýálikterdi, júrgizýshi kýálikterin jáne memlekettik tirkeý nómirlik belgilerin daıyndaý salasynda memlekettik monopolıa engizilmek. Bul qyzmet túrlerin júzege asyrý quqyǵy QR İİM janyndaǵy sharýashylyq júrgizý quqyǵyndaǵy Respýblıkalyq memlekettik kásiporynyna beriledi.
"Májilis qabyldaǵan Zań - jeke júrip-turý quraldaryn paıdalaný tártibin quqyqtyq retteý salasyndaǵy alǵashqy qadam. Sonymen qatar engiziletin quqyqtyq novelalardy tájirıbede synaqtan ótkizýdi, elektr samokattar men shaǵyn elektr kólik quraldaryn paıdalaný tártibin retteýdiń halyqaralyq tájirıbesin eskere otyryp, bolashaqta óziniń zańnamalyq sheshimin talap etetin birqatar másele bar", - dedi Evgenıı Bolgert.