Vedimistik (mekemelik) marapattardy retke keltirý qajet
Býrabaıda ótip jatqan Ulttyq quryltaıda Memleket basshysy Qasym-Jomart Toqaev osy máselege toqtaldy, dep habarlaıdy aqshamnews.kz.
Prezıdent sońǵy jyldary memlekettik nagradalar máselesin qaıta qaralyp, bir júıege túskenin aıtty. Alaıda mekemelik marapattardy retke keltirý qajet dedi.
«Memlekettik organdar bul jumysty nazardan tys qaldyrdy. Naqty ereje joq, bárine ortaq málimetter qory da joq. Sonyń kesirinen keıbir marapattar orynsyz taratylyp jatyr. Tipti, bir memlekettik organnyń tósbelgisin bir adam birneshe ret alǵan jaıttar da kezdesedi. Vedimistik nagrada – naǵyz bilikti mamandarǵa ǵana beriletin, sol arqyly kásibı mártebeni kóteretin mańyzdy nagrada. Buǵan beı-jaı qaraýǵa bolmaıdy. Sondyqtan mekemelik marapattardyń biryńǵaı standartyn jáne tizimin jasaý qajet. Árıne, ár mekemeniń óz ereksheligin eskergen jón. Biraq bárine ortaq ustanym bolýy kerek. Quzyrly organdarǵa osy sharýany qolǵa alýdy tapsyramyn», - dedi Memleket basshysy.