Qazaqstandaǵy eń úzdik aýyl ákimi kim?
Baıqaýǵa júzge jýyq aýyldyq okrýgtiń ákimi qatysqan, dep habarlaıdy Almaty-akshamy.kz
Baıqaý qorytyndysy boıynsha «Úzdik aýyl ákimi» ataǵy Túrkistan oblysy, Shardara aýdany, Jaýshyqum aýyldyq okrýginiń ákimi Nurbaqyt Nurseıitovke berildi.
QR Memlekettik qyzmet isteri agenttiginiń tóraǵasy Darhan Jazyqbaev «Úzdik aýyl ákimi» respýblıkalyq baıqaýynyń jeńimpazdarymen kezdesti.
Ekinshi oryndy Pavlodar oblysy, Ýspen aýdany, Novopokrovskıı aýyldyq okrýginiń ákimi Vácheslav Sımonenko, úshinshi oryndy Aqtóbe oblysy, Shalqar aýdany, Aıshýaq aýyldyq okrýginiń ákimi Oralbek Ábshanov ıelendi.
Túrli nomınasıalardyń arasynda Shyǵys Qazaqstan oblysy, Ulan aýdany, Ablaket aýyldyq okrýginiń ákimi Aryslan Aǵlanbekov «Úzdik sharýa ákimi», Qaraǵandy oblysy, Nura aýdany, Barshyn aýyldyq okrýginiń ákimi Gúlmıra Dobromırova «Úzdik áleýmettik joba» atalymdaryn ıelendi.
«Baıqaýǵa elimizdiń túkpir-túkpirinen júzge jýyq aýyldyq okrýg ákimderi qatysýǵa ótinim berdi. Eń belsendilik tanytqandar: Qostanaı oblysynyń ákimderi – 14, Soltústik Qazaqstan – 12, Jambyl oblysynyń – 12. Baıqaý eki kezeńde - oblystyq jáne respýblıkalyq deńgeıde ótti», - delingen Memlekettik qyzmet isteri agenttiginiń baspasóz qyzmeti taratqan aqparatta.
Agenttik atap ótkendeı, óńirlik kezeńge qatysýshylar aýyldyq jerlerde turǵyndardyń ómir súrýine jaıly jaǵdaı jasaýǵa baǵyttalǵan jobalaryn qorǵap, kútiletin ekonomıkalyq jáne áleýmettik tıimdilikpen aýyldardy turaqty damytý boıynsha usynystar jasady. Ekinshi kezeńde aýyl ákimderiniń problemalyq jaǵdaılarda praktıkalyq máselelerdi sheshý qabileti sıtýasıalyq keıster arqyly baǵalandy.