Elde nesıesin bir jyl boıy tólemegenderdiń qaryzy joıylady.
Bul - "Jeke tulǵanyń bankrottyǵy týraly" zań jobasynda kórsetilgen múmkindik. Qujat jaqynda depýtattar talqysyna usynylady, dep habarlaıdy Almaty-akshamy.kz 24.kz-ke silteme jasap.
Problemalyq qaryzy bar qazaqstandyqtardyń 96 paıyzy - kepilsiz nesıe alǵandar. Demek, olardyń deni bankrottyq týraly zańnyń ıgiligin kóre alady. Qaryz joıylýy úshin ótelmegen soma 5 mln teńgege deıin bolýy kerek. Sondaı-aq, sottan tys bankrottyq rásimin tabysy kúnkóris deńgeıine jetpeıtin azamattar paıdalana alady. Qarjy vıse-mınıstri Erjan Birjanov boryshkerdiń múlki bolmaýy kerektigin eskertti. Kiris pen múliktiń bar-joqtyǵy elektrondy úkimet portaly arqyly aıqyndalady. Demek, múliktiń esebin júrgizetin barlyq ýákiletti memlekettik organ derekter bazasyn biriktiredi. Osydan keıin bankter esep aıyrysý shottary boıynsha aqsha qozǵalysyn júzege asyrady. Sottan tys bankrottyqqa bank, mıkroqarjy uıymdary men kolektorlyq agenttikter aldyndaǵy qaryzdar boıynsha qoldanylýy múmkin. Ótinish boıynsha sheshimdi jarty jyl kútýge týra keledi.
«Mysaly, endigi jyly zańnama jumys istese, 2023 jyly ol bankrot bolyp tabylatyn bolsa, kelesi prosedýraǵa ol 7 jyldan ótkennen keıin júginýge múmkinshiligi bar. Bankrottyqtan keıin úsh jyl ishinde qarjylyq jaǵdaıy monıtorıń júrgizedi. Mundaı tájirıbe basqa Eýropa elderinde de júrgizilip otyrady. Sebebi ádeıilep jasalǵan bankrottyq prosedýrasyn tekserý úshin sondaı tásil qoldanylady», - deıdi QR Qarjy vıse-mınıstri Erjan Birjanov.