Qaskóıler 100 myń teńge men eki telefondy oljalaǵan.
Janarmaı quıý beketine jasalǵan qaraqshylyq shabýyl túngi saǵat eki kezinde bolǵan, dep habarlaıdy Almaty-akshamy.kz Polisia.kz-ke silteme jasap.
«Betperde kıgen eki adam qoldarynda shege sýyrǵysh jáne baltamen janar-jaǵarmaı quıý beketine kirip, kasır men kúzetshini artqy bólmege qamap, qyzmetkerlerdiń telefondary men kasadaǵy aqshany urlap ketken. Shabýyldaýshylardyń barlyq áreketi beınebaqylaý kameralaryna jazylyp qalǵan. Kúdiktiler sol kúni anyqtalyp, qamaýǵa alyndy. Bul – 23 jastaǵy T. esimdi azamat jáne 22 jastaǵy M. esimdi azamat. Bul derek sotqa deıingi tergeýdiń biryńǵaı tizilimine QR QK-niń 191-baby 2-bóligi boıynsha tirkeldi», – dedi Medeý aýdandyq PB-ǵa qarasty polısıa bóliminiń bastyǵy Elnur Qudretbaev.
Qaskóıler – basqa jaqtan kelgender. Olar Almatyǵa jumysqa ornalasý úshin kelgen, biraq aqsha tabýdyń budan basqa ońaı jolyn oılap tappaǵan. Shabýyldaýshylar ýaqytsha ustaý ızolátoryna qamaldy. Polısıa qyzmetkerleri olardyń jeke basyn buryn jasalǵan qylmystarǵa qatysy bar-joǵyna tekserip jatyr.