Orta medısına personalynyń jalaqysyn 250 myń teńgege deıin kóterý josparlanǵan.
Elimizde 3 900 dáriger jetispeıdi. Bul týraly búgin Senattaǵy Úkimet saǵatynda Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Kadr máselesi erekshe nazarda. Respýblıka boıynsha kadr tapshylyǵy seziledi, mysaly, 3 900 dáriger jetispeıdi. Byltyr úsh myńnan astam jas túlek joldamamen jumysqa jiberildi, onyń 630-y – aýyldyq eldi mekenderge joldandy. Bıyl bitirgen 1 872 jas túlektiń 441-i aýyldarǵa jiberildi. Kelesi jylǵa 11 myńnan astam maman daıyndap jatyrmyz. Qazir kóp jerde mamandarǵa áleýmettik qoldaý kórsetilmeıdi. Úı, kóterińki járdemaqy máselesin kóterip jatyrmyz. Ásirese, aýylǵa baratyn dárigerdi yntalandyrý qajet», - dedi mınıstr.
Onyń atap ótýinshe, 2022 jyly jalaqy dárigerlerge orta eseppen – 30, ortasha medısına personalyna 20 paıyzǵa kóterildi.
«Kelesi jyly dárigerlerge jalaqyny ortasha eseppen 531 myń teńgege deıin, orta medısına personalyna 250 myń teńgege deıin kóterý josparlanǵan. Sonymen birge medısına qyzmetkerleriniń kásiptik jaýapkershiligin jáne medısına qyzmetkerleriniń mártebesin saqtandyrý júıesin engizý úshin tıisti zań jobasy ázirlendi. Ol Májiliske engizilip, deýtattardyń qaraýynda», - dedi Ajar Ǵınıat.