Ákimshilik quqyqbuzýshylyq týraly hattama toltyryldy.
QR UEM Tabıǵı monopolıalardy retteý komıteti KEGOC AQ-ǵa qatysty jospardan tys tekserý júrgizdi, dep habarlaıdy Almaty-akshamy.kz
«Qubyr ónimderin óndirý jónindegi zaýyttyń ótinishi negizinde KEGOC AQ-na qatysty jospardan tys tekserý júrgizildi. Onyń qorytyndysy boıynsha tutynýshylardyń rettelip kórsetiletin qyzmetke qoljetimdiligi bóliginde Qazaqstan Respýblıkasynyń tabıǵı monopolıalar týraly zańnamasy talaptarynyń buzylýy anyqtaldy», – dep jazylǵan habarlamada.
Tekseris nátıjesi boıynsha, KEGOC AQ-ǵa qatysty Qazaqstan Respýblıkasynyń Ákimshilik quqyqbuzýshylyq týraly kodeksiniń 164-babynyń tórtinshi bóligi boıynsha ákimshilik quqyq buzýshylyq týraly hattama toltyryldy, ol sýbektiniń ótinishi boıynsha sottyń qaraýyna berildi.
Bul rette ákimshilik is TMRK paıdasyna qaralǵan jaǵdaıda, KEGOC AQ-ǵa 4 900 800 teńge kóleminde ákimshilik aıyppul salynady.