Qytaı Halyq Respýblıkasyna jumys sapary aıasynda Almaty ákimi Erbolat Dosaev Shanhaı múgedekter federasıasynyń tóraǵasy Dý Sýnsúanmen kezdesti, dep habarlaıdy aqshamnews.kz.
Kezdesý Shanhaıdaǵy Sunshine 201 múgedektigi bar adamdardy jumysqa ornalastyrý ortalyǵynda ótti, ol erekshe qajettilikteri bar adamdarǵa jumysqa ornalastyrý, kásiptik oqytý, keńes berý jáne bıznes-ınkýbasıa baǵdarlamalaryna qatysý qyzmetterin usynatyn kópfýnksıonaldy platforma bolyp tabylady. Sonymen qatar, ortalyqta jyl saıyn erekshe qajettilikteri bar adamdarǵa ońaltý jáne medısınalyq kómek kórsetiledi. Sońǵy jyldary ortalyqta ońaltý qyzmetteriniń tıimdiligi 90% - dan astamǵa jetti.
Erbolat Dosaev Shanhaı múgedekter Federasıasynyń erekshe qajettilikteri bar adamdar úshin zańnamany jáne ınfraqurylymdy jetildirý, jumysqa ornalasý tásilderi, jumys oryndaryn kvotalaý tetikteri jáne qyzmetterdi avtomatty túrde irikteý úshin jasandy ıntellektti paıdalaný bóligindegi jumys tájirıbesi Almaty úshin erekshe qyzyǵýshylyq týdyratynyn atap ótti.
Kezdesý qorytyndysy boıynsha taraptar ekijaqty yntymaqtastyq aıasynda Almatyda ınklúzıvti ortany damytý jónindegi birlesken jospardy ázirleý yqtımaldyǵyn talqylady. Bul erekshe qajettilikteri bar adamdardy áleýmettik qoldaý, ońaltý jáne jumysqa ornalastyrý boıynsha jańa jobalardy tabysty iske asyrýǵa múmkindik beredi.
Aıta keterligi, Almaty ákimdigi jumysyndaǵy basymdyqtardyń biri ınklúzıvti ortany qurý, barlyq turǵyndar úshin olardyń fızıkalyq múmkindikterine qaramastan oqýda, jumysqa ornalasýda jáne áleýmettik beıimdelýde teń múmkindikter berý bolyp tabylady. Qalada erekshe qajettilikteri bar 56 myń adam tirkelgen. Shanhaıda 2024 jyly erekshe qajettilikteri bar 613 100 adam tirkelgen jáne sertıfıkattalǵan.
