Qarjy mınıstri Erulan Jamaýbaev Úkimet otyrysynda ýákiletti ekonomıkalyq operatorlardyń eseptik júıelerine qol jetkizý úshin olardy kóldeneń monıtorıń júıesine qosý josparlanyp otyrǵanyn aıtty, dep habarlaıdy Almaty-akshamy.kz QazAqparatqa silteme jasap.
«Kedendik ákimshilerdirýdi jaqsartý sheńberinde ýákiletti operatorlarǵa qoıylatyn talaptar kúsheıtiledi. Barlyq ýákiletti ekonomıkalyq operatorlardyń eseptik júıelerine qol jetkizý úshin olar kóldeneń monıtorıń júıesine qosylatyn bolady. Jalpy, keden salasyndaǵy zańbuzýshylyqtar úshin jaýapkershilikti qatańdatý boıynsha sharalar qabyldanady. Jaqynda múddeli memlekettik organdarmen birlesip, memlekettik shekaradaǵy tártipti qamtamasyz etý úshin keshendi tekserý júrgiziledi», - dedi mınıstr.
Vedomstvo basshysynyń sózine qaraǵanda, keıingi bes jylda Qytaı Halyq Respýblıkasymen aıqyn statısıka boıynsha alshaqtyqtar 60 paıyzdan 40,4 paıyzǵa deıin tómendegen.
«Qytaı Halyq Respýblıkasymen jáne basqa da eldermen kedendik statısıkanyń alshaqtyqtaryn qysqartý boıynsha jumys jalǵastyrylady», - dedi Erulan Jamaýbaev.