Qazaqstanda koronavırýstan emdeýdiń klınıkalyq hattamalaryna jańa ınovasıalyq preparattar engiziledi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Memleket basshysynyń tapsyrmasy boıynsha koronavırýs ınfeksıasymen kúres júıeli túrde jalǵasady. Birinshi, KVI bar pasıentterge tıimdi medısınalyq kómek kórsetý maqsatynda ýaqtyly dıagnostıkalaýdy jáne ambýlatorıalyq emdeýdi qamtamasyz ete otyryp, MSAK uıymdarynyń jumysy qarqyndy jalǵastyrylatyn bolady. Ekinshi, búgingi tańda 14 myńnan astam ınfeksıalyq tósek-oryn bar. Elimizde qosymsha 50 myńǵa deıin ınfeksıalyq tósek-oryn ashýǵa daıyndyq bar», - dedi mınıstr.
Onyń atap ótýinshe, úshinshi, halyqaralyq tájirıbeni eskere otyryp, KVI dıagnostıkasy men emdeýdiń klınıkalyq hattamalaryna jańa ınovasıalyq preparattar engiziledi.
«Tórtinshi, halyqty vaksınalaý jáne qaıta vaksınalaý jalǵasady. Ol úshin shamamen 6,5 mln doza vaksınany qosymsha satyp alý boıynsha is-sharalar qabyldanýda. Besinshi, qalyptasyp otyrǵan epıdemıologıalyq ahýaldy eskere otyryp, el ishinde de, memlekettik shekarada da qosymsha shekteý is-sharalary jedel engiziledi», - dedi Ajar Ǵınıat.