Janar-jaǵarmaıdyń aksızdik mólsherlemeleri qaıta qaralady. Bul týraly Úkimet otyrysynda Qarjy mınıstri Erulan Jamaýbaev málim etti, dep habarlady Almaty-akshamy.kz QazAqparat tilshisine silteme jasap.
«Búdjetke qosymsha túsimderdi qamtamasyz etý boıynsha qazir taý-ken metalýrgıa keshenindegi jer qoınaýyn paıdalanýshylardan túsimderdi arttyrýǵa qatysty tetikter ázirlenýde», - dedi mınıstr.
Onyń aıtýynsha, janar-jaǵarmaı naryǵynda ústeme baǵalarǵa shekteý qoıý kózdelip otyr.
«Sondaı-aq, mólsherlemeler qaıta qaralady jáne ústeme baǵa shekteledi. Bul satýshylardyń qosymsha tabystaryn búdjetke túsirýge múmkindik beredi», - dedi Erulan Jamaýbaev.
Eske salsaq, Úkimet otyrysynda QR Ulttyq bankiniń tóraǵasy Erbolat Dosaev kapıtaldy negizsiz shyǵarýǵa qarsy is-qımyl qalaı uıymdastyrylatynyn túsindirdi.
«Joǵaryda atalǵan buıryqqa sáıkes, operasıalar júrgizýge arnalǵan ótinimder boıynsha is-qımyldar algorıtmi qabyldandy, sondaı-aq kúsheıtilgen qarjylyq monıtorıń júrgizilýi tıis transshekaralyq operasıalardyń tizbesi bekitildi. Talaptar aıqyn buzylǵan jaǵdaıda, mundaı operasıalar jedel toqtatylatyn bolady. Qabyldanyp jatqan sharalar aqshany jylystatýǵa qarsy kúrestiń eń úzdik álemdik praktıkasyna negizdeledi jáne KYC (know your client) qaǵıdattaryn tolyqqandy engizedi», - dedi Erbolat Dosaev.