Almaty qalasyndaǵy «Jetisý» keden beketinde 2024 jylǵy 2 sáýir - 30 maýsym aralyǵynda «Keden» aqparattyq júıesinde ekspress-júkterdi deklarasıalaý jónindegi pılottyq joba júrgizilýde.
Eger bul joba sátti aıaqtalsa, aldaǵy ýaqytta barlyq kedendik beketterde engiziledi, dep habarlaıdy almaty-akshamy.kz.
Atalǵan joba memlekettik organnyń qyzmetinde búrokratıadan aryltý, ekspress-júkterge kedendik deklarasıany usynýdy avtomattandyrý, qujat aınalymyn jetildirý jáne qysqartý, sondaı-aq bıznes-prosessterdi ońtaılandyrý maqsatynda júrgiziledi.
Qysqa ýaqyt ishinde jeke júkqujattarmen alýshyǵa jetkizý maqsatynda jedel tasymaldaý sheńberinde tasymaldanatyn taýar ekspress-júk retinde sanalady.
Pılottyq joba sheńberinde «Keden» aqparattyq júıesinde ekspress-júkter úshin jolaýshylar kedendik deklarasıasyn jáne ekspress-júkter úshin taýarlarǵa arnalǵan deklarasıany keden ókilderi toltyrady. Sonymen qatar memlekettik kirister organdarynyń ýákiletti laýazymdy adamdary olardy qabyldaýdy jáne óńdeýdi júzege asyrady.
Keden ókilderiniń ekspress-júkter úshin arnalǵan kedendik deklarasıaǵa mindetti túrde qosa beretin qujattardy qaǵaz túrinde burynǵydaı usyna alady.
Pılottyq jobanyń qatysýshylary «Keden» aqparattyq júıesinde ekspress-júkter úshin taýarlarǵa arnalǵan deklarasıa boıynsha shyǵarý jáne kedendik tólemder men salyqtardyń somalaryn esepten shyǵarý úshin 106119 búdjettik synyptama kody qoldanylýy tıis.
«Keden» júıesinde jumys isteý úshin Ulttyq kýálandyrýshy ortalyqtyń elektrondy sıfrlyq qoltańbasy bolýy shart. Aqparattyq júıe https://keden.kgd.gov.kz/ siltemesi boıynsha qol jetimdi.