Elimizde memlekettik orta bilim berý uıymdarynyń basshylary men pedagogteriniń biliktiligin arttyrý kýrstary bastaldy.
Kýrstardy «Órleý» biliktilikti arttyrý ulttyq ortalyǵy júrgizedi, dep habarlaıdy Almaty-akshamy.kz Oqý-aǵartý mınıstrligine silteme jasap.
«Qazir kýrstarda 5665 pedagog oqyp jatyr. Bilim berý baǵdarlamalarynyń mazmuny MODO, ENT, PISA/PIRLS nátıjeleriniń statısıkasyna nazar aýdara otyryp jańartyldy. Baǵdarlamalardyń jańartylǵan qurylymynda pedagogterdiń zertteý jáne jobalaý quzyretterin damytý boıynsha qosymsha modýl bar», - deıdi basqarma tóraǵasy Elaman Aıbýldınov.
Qazirgi ýaqytta ortalyqta 41 bilim berý baǵdarlamasy iske asyrylýda. Bıyl barlyǵy 68 000-nan astam pedagog oqytylady dep josparlanǵan. Onyń ishinde bilim berý uıymdarynyń basshylary, bastaýysh synyp muǵalimderi bar. Bul sharalardyń barlyǵy pedagogterdiń kásibı biliktiligin arttyrýǵa jáne elimizdegi bilim berý standarttaryn jaqsartýǵa baǵyttalǵan.