Kúnkóris deńgeıiniń shamasy 51 710 teńge.
Kedeılik qaýpine úı sharýashylyqtarynyń kólemi qatty áser etedi, dep habarlaıdy Almaty-akshamy.kz ulttyq statısıka búrosyna silteme jasap.
Úı sharýashylyqtaryn iriktep tekserý nátıjeleri boıynsha tabysy Qazaqstandaǵy eń tómengi kúnkóris deńgeıinen (kedeılik deńgeıi) tómen halyqtyń úlesi 2023 jylǵy III toqsanda 5,6% qurady.
Kedeılik deńgeıiniń eń joǵary máni Túrkistan oblysynda (9,6%), al eń azy – Qaraǵandy oblysy jáne Astana qalasynda (2,7%-dan) tirkeldi.
Kedeılik qaýpine úı sharýashylyqtarynyń kólemi qatty áser etedi. Osylaısha, 5 jáne odan da kóp adamnan turatyn úı sharýashylyqtary arasyndaǵy kedeılik deńgeıi 10%-dy qurady, bul jalpy kedeılik deńgeıinen 2 esege jýyq artyq.
Kedeılik deńgeıi – tutynýǵa paıdalanylǵan eń tómengi kúnkóris deńgeıiniń shamasynan tómen tabysy bar halyq sanynyń halyqtyń jalpy sanyna paıyzben ólshengen qatynasy. QR boıynsha 2023 jylǵy III toqsanda aıyna orta eseppen jan basyna shaqqandaǵy eń tómengi kúnkóris deńgeıiniń shamasy 51 710 teńgeni qurady.