Soltústik Qazaqstan oblysynda saryshunaq aıaz bastalǵaly 12 adamdy úsik shaldy.
Dárigerlerdiń saraptamasynan keıin olardyń 5-i aýrýhanaǵa jatqyzyldy. Sýyqta dala kezip, qatty tońyp qalǵandardyń kóbi aıaq-qoldaryn úsirip alǵan. Qazir naýqastar medısına qyzmetkerleriniń baqylaýyna alyndy, dep habarlaıdy almaty-akshamy.kz 24.kz-ke silteme jasap.
Keıbirine operasıa jasalýy múmkin. Óńirde bir aptadan beri aıazdyń beti qaıtar emes. Aýa temperatýrasy keı jerlerde 35-40 gradýsqa deıin tómendedi. Aq halattylar jyly kıinip, qaýipsizdik sharalaryn qatań saqtaýǵa keńes beredi.
Ekaterına Beloýsova, qalalyq kópbeıindi aýrýhananyń baspasóz hatshysy: -Aıazdy kúni jolǵa shyǵyp, kóligi synǵan azamatty úsik shaldy. Bul tizimde mal izdep, ermek úshin balyqqa barǵandar, ishimdik ishkender jáne turǵylyqty meken jaıy joq adamdar da bar. Qazir aýrýhanaǵa jatqyzylǵan naýqastar em qabyldap jatyr.