Sınoptıkter elimiz boıynsha 2023 jylǵy 14 jeltoqsanǵa arnalǵan kún raıy boljamyn usyndy, dep habarlaıdy almaty-akshamy.kz.
"Qazgıdromet" RMK usynǵan málimet boıynsha, respýblıkanyń basym bóligine sýyq soltústik-batys antısıklony yqpal etedi, negizinen jaýyn-shashynsyz, aıaz bolady.
"Atmosferalyq frontaldy bólikterdiń ótýimen respýblıkanyń batysynda qar jaýady, ońtústikte, ońtústik-shyǵysta burqasyn soǵady. Atyraýdyń ońtústiginde, shyǵysynda, Mańǵystaý oblystarynyń shyǵysynda shańdy daýyl turady, ońtústikte, Jambyl oblysynyń taýly aımaqtarynda tuman túsedi", – deıdi sınoptıkter.
Qazaqstan boıynsha jel kúsheıedi dep boljandy.
Túnde soltústikte, Almaty jáne Jambyl oblystarynyń taýly aımaqtarynda -33-38°S aıaz bolady, ortalyqta, Jetisý oblysynyń taýly aımaqtarynda aıaz -31-36°S shamasynda bolady.
Túrkistan jáne soltústik-shyǵys Jambyl oblystarynyń taýly asýlarynda sınoptıkterdiń boljaýynsha, jeldiń ekpini 30 m/s jáne odan da joǵary bolady.