Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın jyl sońyna deıin Kcell «Qazaqtelekom» Aksıonerlik qoǵamy quramynan shyǵarylatynyn aıtty, dep habarlaıdy Almaty-akshamy.kz.
«Kcell-di shyǵarý boıynsha dedlaın qandaı? Bir jaǵynan 5G bolmaǵan kezde ony eshkim satyp almady, tıimsiz edi. Qazir baǵasy arta túsedi», - dep surady BAQ ókili mınıstrden.
«Men «Samuryq-Qazyna» AQ-nyń aldyna qandaı merzim qoısam da, qyzyǵýshylyq tanytqan oıynshynyń baǵa men satyp alynatyn aktıvtiń sáıkestigin tekserý rásiminsiz «Samuryq-Qazyna» due diligence boıynsha jumys júrgizbeıdi. Biz Úkimettiń atynan jyl sońyna deıin operatorlardyń birin «Qazaqtelekomnyń» quramynan shyǵarý týraly mindet qoıdyq. «Samuryq-Qazyna»-nyń aqparaty boıynsha, qazir eki qyzyǵýshylyq tanytqan oıynshy due diligence rásiminen ótip jatyr. Qazir biz olardyń kim ekenin aıta almaımyz», - dedi Baǵdat Mýsın búgin Úkimet otyrysynan keıin tilshilerge bergen suhbatynda.