1 shildedegi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 14 762 sheteldik eńbek etedi.
Bul aqparatty Eńbek jáne halyqty áleýmettik qorǵaý mınıstrligi málimdedi, dep habarlaıdy Almaty-akshamy.kz.
Eńbek mıgranttary keletin negizgi elder:
- Qytaı – 3 729 adam (25%);
- Ózbekstan – 1 967 adam (13%);
- Úndistan – 1 461 adam (10%);
- Túrkıa – 1 454 adam (10%).
Eńbek jáne halyqty áleýmettik qorǵaý mınıstrligi shetel mamandaryn tartýǵa bıylǵa 22 260 kvota bóldi.
Aıta keteıik, elimizde mıgranttar eńbegin zańdy paıdalanatyn 1 751 jumys berýshi bar. Olarda 433,4 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96%.
Mıgranttar eń kóp eńbek etetin salalar:
- qurylys salasy – 5 204 adam (35%);
- aýyl, orman jáne balyq sharýashylyǵy – 1 895 adam (13%);
- taý-ken ónerkásibi jáne karerlerdi qazý – 1 346 adam (9%);
- óńdeý ónerkásibi – 1 128 adam (7%);
- kásibı, ǵylymı jáne tehnıkalyq qyzmet – 850 adam (6% ).
Sheteldik jumys kúshin tartýǵa ruqsattardyń arasynda mynadaı sanattar bar:
- basshylar men olardyń orynbasarlary úshin 537 ruqsat (birinshi sanat):
- qurylymdyq bólimshelerdiń basshylary úshin 2 751 ruqsat (ekinshi sanat).
Syrttan tartylǵan jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – sáıkesinshe 6 598 jáne 833 adam. Sondaı-aq maýsymdyq jumystarǵa 1 940 adam, al korporatıvtik aýystyrý aıasynda 2 103 adam tartyldy.