Bıyl nege sheteldik fılmderdi qazaqshalaý jumysy toqtap qaldy?
Munyń sebebin Mádenıet jáne sport mınıstri Asqat Oralov túsindirdi, dep habarlaıdy Almaty-akshamy.kz
«Dýbláj máselesin biz qarastyrdyq. Bilesizder ǵoı, bir-eki aı buryn mádenıet salasyn damytýdyń 7 jyldyq tujyrymdamasy bekitildi. Byltyrdyń ózinde 3, 4, 5-ke deıin kınonyń dýblájy uıymdastyrylǵan bolatyn. Biraq biz tujyrymdamaǵa basqa kórsetkishter engizdik. Endigi kezekte jyl saıyn qazaqsha dýblájdalatyn fılmderdiń sanyn kem degende 3 ese kóbeıtemiz. Iaǵnı, jyl saıyn 15 kınonyń dýblájyn ótkizemiz.
Bıyl da 15-ke jetkizemiz degen jospar bar. Biraq tujyrymdama bekitilgenine eki aı boldy. Konkýrs prosedýralary bar. Búkil jumys zańǵa sáıkes uıymdastyrylyp jatyr. Shynyn aıtqanda, 5 jyldyń ishinde 75 kınonyń dýblájyn ótkizemiz degen jospar bar. Keıingi 7 jylda ondaı kórsetkish bolǵan joq. Buǵan arnaıy Úkimet qaýlysy shyqty. Qazir konkýrstyq prosedýralar ótedi. Jyl sońyna deıin qolǵa alyp, jumystardy úılestiremiz. Kelesi jyldan bastap kem degende eń myqty degen 15 kınonyń dýblájy uıymdastyrylady», - dedi ol.
Asqat Oralovtyń aıtýynsha, jylyna 3-5 kınony dýblájdaý jetkilikti emes.
«Óıtkeni qazir halyqtyń suraýy bar. Byltyrdyń ózin qaraıtyn bolsaq, 3-4 kınonyń ózi qanshama suranysqa ıe boldy?! Sondyqtan muny sanyn 5 esege deıin kóbeıtý týraly sheshim qabyldadyq», - dedi mınıstr.