KazFoodProducts agroónerkásiptik holdıńi EDGE genderlik teńdik sertıfıkatyn aldy.
Qujat jeke sektorda genderlik ınklúzıvti jumys oryndaryn yntalandyrý boıynsha nusqaýlyqtar men standarttardy belgileıdi, dep habarlaıdy almaty-akshamy.kz.
KazFoodProducts kompanıalar toby osy sertıfıkattaýdan ótken Qazaqstandaǵy birinshi kompanıa boldy. Eńbektegi genderlik teńdiktiń halyqaralyq standarttaryna sáıkestigi boıynsha top músheleri bolyp sanalatyn «Baıan Sulý» AQ, «AzıaAgroFýd» AQ, «Bıopereıshns» JSHS, «EMC agro» JSHS jáne basqarýshy kompanıa «KazFoodProducts» JSHS marapattaldy.
Kompanıa 1998 jyly qurylǵan jáne búginde Qazaqstandaǵy jetekshi agroónerkásiptik holdıńterdiń biri. Holdıń 5 myńǵa jýyq adamdy jumyspen qamtyp, ishki naryqta satylatyn, sondaı-aq Brazılıa, AQSH, Ulybrıtanıa, Reseı, Túrkıa, Qytaı jáne Ortalyq Azıa elderine eksporttalatyn ónim shyǵaratyn 20 enshiles kásiporynnan turady.
EDGE sertıfıkatynyń ıegerleri arasynda Ekonomıkalyq yntymaqtastyq jáne damý uıymy (EYDU), Dúnıejúzilik bank toby, IFC, IýNISEF, Eýropalyq qaıta qurý jáne damý banki (EQDB), Chevron, IKEA, UniCredit, sıaqty álemdik ekonomıkalyq brendter bar. Deloitte jáne basqa da kóptegen halyqaralyq uıymdar genderlik teńdikti óz qyzmetindegi basty basymdyq dep sanaıdy.