Air Astananyń túngi 23:35-tegi ushaǵy kúndiz 16.30-da ushyp ketken.
Osyǵan qatysty májilismen Irına Smırnova Air Astana áýe kompanıasyn sotqa bermek, dep habarlaıdy Almaty-akshamy.kz
Májilismen Irına Smırnova Almaty-Astana baǵytyndaǵy ushaq 7 saǵat buryn ushyp ketkeninin aıtady.
«Men bılet satyp alǵan jerden de, áýe kompanıadan da eshqandaı habarlandyrý alǵan joqpyn. Eır Astana barlyq shaǵymdy bıletterdi alǵan kompanıaǵa jiberýdi usyndy. Olar ózderin emes, basqa bireýdi kinálaıdy. Dúısenbi sotqa baramyn», - dep jazdy depýtat áleýmettik jelidegi paraqshasynda.
Al «Air Astana» áýe kompanıasynyń baspasóz qyzmeti atalǵan jaǵdaıǵa qatysty túsinik berdi.
«23 maýsym kúni ushatyn Almaty – Astana baǵyty boıynsha KS 955 reısi óndiristik jaǵdaıǵa baılanysty saǵat 23:35-ten 16:30-ǵa ózgertildi. 21 maýsym saǵat 09:48-de, ıaǵnı ushýǵa eki kún qalǵanda brondaýda kórsetilgen kontaktige ushý ýaqytynyń ózgergeni týraly SMS habarlama jiberildi. Júıede tıisti aqparat bar», - dedi áýe kompanıasyndaǵylar.