Qazaqstan kitaphanalarynda jazǵy demalysta 40 myńnan astam is-shara ótedi

Balalardyń oqýǵa degen qyzyǵýshylyǵyn arttyrý maqsatynda Qazaqstannyń respýblıkalyq, oblystyq jáne qalalyq deńgeıdegi kitaphanalary jazda 41 922 is-shara ótkizedi, dep habarlaıdy almaty-akshamy.kz. 

Astana qalasyndaǵy QR Ulttyq akademıalyq kitaphanasynda ertegi terapıa, ıntellektýaldy kvest jáne kitap aksıalary men ekskýrsıalary ótedi.

Almaty qalasyndaǵy zaǵıp jáne nashar kóretin azamattarǵa arnalǵan respýblıkalyq kitaphanada balalarǵa arnalǵan tıflotúsiniktermen ertegiler kórsetiledi, shahmat, doıby, toǵyzqumalaq úıirmeleri brıynsha týrnırler uıymdastarylady.

Aqmola oblysynda asfálttaǵy flesh-sýretter baıqaýy, book land, dombyra-batl, ashyq aspan astynda ótetin is-sharalar josparlanǵan.

Soltústik Qazaqstan oblysynda «Bala tili - bal», «Ertegini tabyńyz», «Vozmı knıgý v dorogý» syndy túrli taqyryptar aıasynda, balalardyń jas erekshelikterine oraı is-sharalar ótedi.

Qostanaı oblysynda «Shekarasyz balalyq shaq», «Kitaptarda kanıkýl joq» t.b. tanymdyq jıyndar uıymdastyrylady.

Túrkistan oblysynda jazǵy balalar baıqaýy, bıblıopıknık, úıirmeler ótedi. Sondaı-aq Abaı oblysynda jaz aılarynda 12 baǵyt boıynsha joba jumys isteıtin bolady.

Aqtóbe oblystyq kitaphanalary kvest oıyndar, sheberlik saǵaty men «Oqıtyn dos izdeımin» jazǵy oqý jobasyn uıymdastyrady.

Almaty oblysynyń kitaphanalarynda kitap kórmesi, sýret salý baıqaýy ótedi.

Atyraý oblysynda «Kitappen birge ótken jaz» jobasy josparlanǵan.

Óńirler boıynsha eń kóp is-shara Aqmola, Soltústik Qazaqstan jáne Qostanaı oblystarynda josparlanǵan. Astana, Almaty jáne Shymkentte jas oqyrmandar úshin 2000 is-shara uıymdastyrylady.

QR Ulttyq kitaphanasy, QR Ulttyq akademıalyq kitaphanasy jáne Zaǵıp jáne nashar kóretin azamattarǵa arnalǵan respýblıkalyq kitaphana 197 is-shara ótkizedi.