Almaty Katardan kelgen birinshi uıymdasqan iskerlik týrıser tobyn qarsy aldy.
İri rıteıl kompanıa Almatyǵa 47 qyzmetkerin jibergen edi. Saıahat kezinde 5 kún boıy arab týrıseri qalanyń eń tanymal kórnekti jerlerin aralaıdy, dep habarlaıdy Almaty-akshamy.kz.
Qazirgi tańda Almatyǵa Taıaý Shyǵys elderinen týrıser kóptep kelýde. Birinshi toqsanda qalaǵa 55 myńnan astam sheteldik týrıs kelgen, bul ótken jylmen salystyrǵanda 2,5 esege artyq. Olardyń bir bóligi Katar, BAÁ, Saýd Arabıasy elderiniń ınvestorlary men týrıseri.
Mamandardyń aıtýynsha, bul qalany halyqaralyq naryqta ilgeriletý úshin Almaty qalasynyń ákimdigi men týroperatorlardyń birlesip júzege asyrǵan halyqaralyq is-sharalarynyń, áýe qatynasyn qalpyna keltirý men shekarany ashýdyń arqasynda múmkin bolǵan. Mysaly, «Dubai ATM - 2022» týrısik kórmesine, Katar, BAÁ, Saýd Arabıasy men Oman elderiniń iri qalalaryndaǵy roýd-shoýlarǵa qatysý.
«Almaty qarapaıym saıahatshylar men bıznes týrıster arasynda keń tanylyp keledi. Búgin biz Katardan kelgen alǵashqy uıymdasqan iskerlik týrıster tobyn qarsy aldyq. Qabyldanǵan sharalardyń arqasynda Almatyǵa degen týrıstik destınasıa retindegi qyzyǵýshylyq artyp otyr. Bul jumys úzdiksiz jalǵasa beredi. Taıaý Shyǵystan týrıstik aǵymdy arttyrý qalamyz úshin óte mańyzdy. Ózge eldermen salystyrǵanda Taıaý Shyǵystan kelgen týrısterdiń ortasha chegi áldeqaıda joǵary», - dedi «Almaty qalasynyń týrıstik aqparattyq ortalyǵy» JSHS dırektory Edige Marǵulan.
Aıta ketsek, 2021 jyldyń sońynda Almaty – Doha jańa reısi iske qosyldy. Qazir osy baǵyttaǵy reıster sany aptasyna tórtke deıin kóbeıdi. Qatar Airways jyl basynan beri 100 astam reıs jasady. Reıster A-320 tıpti áýe kemesimen oryndalady.