Bilim granty ıegerleriniń tizimi erteń, ıaǵnı 10 tamyzda, jarıalanady.
Memlekettik bilim berý granttaryn taǵaıyndaý jónindegi respýblıkalyq komısıa óz jumysyn aıaqtady, dep habarlaıdy Almaty-akshamy.kz.
«Grantqa úmitkerlerdiń ótinimderin komısıa músheleri qaraıdy. Onyń quramyna mınıstrliktiń, memlekettik organdardyń, bilim salasy kásipodaqtarynyń, QR Ulttyq kásipkerler palatasy, buqaralyq aqparat quraldary, Qazaqstannyń azamattyq alánsy jáne qoǵamdyq uıym ókilderi kiredi. Talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde granttar taǵaıyndalady», - delingen habarlamada.
Bıyl halyqtyń áleýmettik osal toptaryna bólinetin granttar sany kóbeıtildi. Iaǵnı, kóp balaly nemese tolyq emes otbasylardan shyqqan balalar, sondaı-aq erekshe bilim berý qajettilikteri bar balalardy tárbıelep otyrǵan otbasylardan shyqqan balalar grant alýda basym múmkindikke ıe boldy.
Sondaı-aq aýyl balalary jáne QR azamattyǵy joq, ulty qazaq azamattar úshin de kvotalar kózdelgen. Bilim berý granttaryn taǵaıyndaý konkýrsyna qatysý úshin barlyǵy 80 myńǵa jýyq ótinim berildi.
Qujattardy qabyldaý 13-22 shilde aralyǵynda júzege asyryldy.