Qatarda ótip jatqan fýtboldan 2022 jylǵy álem chempıonatynda búgin, 18 jeltoqsanda, fınalda Argentına men Fransıa kezdesýi ótedi, dep habarlaıdy Almaty-akshamy.kz Inform.kz-ke silteme jasap.
Kezdesý elorda ýaqytymen 18 jeltoqsanda saǵat 21:00-de bastalady.
Tikeleı efır «Qazaqstan» jáne «Qazsport» telearnalarynan kórsetiledi.
Kezdesý el astanasy Lýsaıl qalasyndaǵy 88966 jankúıerge arnalǵan «Lýsaıl Aıkonık» stadıonynda ótedi.
Bas tóreshi - polshalyq Shımon Marsınák. Oǵan otandastary Pavel Sokolnıskı men Tomash Lıstkevıch kómekshi bolady. Qosalqy tóreshi - AQSH-tan kelgen Ismaıl Elfat.
FIFA reıtıńinde Argentına 3, Fransıa 4-orynda tur.
Eki qurama buǵan deıin on úsh márte kezdesti. Onyń 7-de Argentına, 3-de Fransıa jeńiske jetse, qalǵanynda teń nátıje tirkeldi.
2018 jylǵy álem chempıonaty 1/8 fınalynda Fransıa atalǵan qarsylasyn 4:3 esebimen jeńgen edi.
Toptyq kezeńde Argentına S tobynda Saýd Arabıasyna 1:2 esebimen ese jiberip, Meksıka men Polshany 2:0 esebimen jeńse, 1/8 fınalda Avstralıany 2:1 esebimen utty.
Shırek fınalda Nıderlandpen negizgi kezeńde 2:2 esebimen teń túsip, penaltı tebýde 4:3 esebimen jeńiske jetti. Jartylaı fınalda olar Horvatıany 3:0 esebimen jeńdi.
Toptyq kezeńde D tobynda oınaǵan Fransıa Avstralıadan 4:1, Danıadan 2:1 esebimen basym tússe, Týnıske 0:1 esebimen jol berdi.
Al, 1/8 fınalda Polshany 3:1, 1/4 fınalda Anglıany 2:1, jartylaı fınalda Marokkony 2:0 esebimen tize búktirdi.