Qonaev baǵyty boıynsha marafondyq júgirý búgin, 18 jeltoqsanda, ótti. Júgirý salaýatty ómir saltyn nasıhattaý, adamdardyń kúndelikti ómirine densaýlyq pen sport negizderin engizý maqsatynda uıymdastyryldy.
Jarys Almatyda Dinmuhamed Qonaevtyń bústiniń janynan bastaý aldy.
- Búgin biz Almaty-Qonaev marafonyn ótkizip jatyrmyz. Almaty qalasynyń ákimdigine, Almaty oblysynyń, Qonaev qalasynyń ákimdigine, júgirýdi uıymdastyrýshylarǵa, sondaı-aq "Almaty" marafon klýbynyń sportshylaryna alǵysymdy bildirgim keledi. Bıyl Dinmuhamed Ahmetuly Qonaevtyń 110 jyldyǵyna oraı biz kóptegen óńirlerde, Tarazda, Túrkistanda, Shymkentte, Qonaev qalasynda kóptegen is-sharalar ótkizdik. Onlaın is-sharalar da ótti, - dep atap ótti halyqaralyq D.A.Qonaev atyndaǵy qordyń vıse-prezıdenti Bolat Qojyaqbar.
Sportshylar Bógenbaı batyr kóshesimen 100 metrge júgirip ótip, avtobýsqa otyrdy. Marafon Almaty shekarasynan Qonaev qalasyna deıin jalǵasty. Onyń uzyndyǵy 75 shaqyrymdy qurady.
- Biz, 15 adamnan turatyn komanda, bir- birimizdi almastyra otyryp, Almaty qalasynyń shekarasynan Qonaev qalasynyń shekarasyna deıin júgirip ótemiz. Sodan keıin sportshylar aralasyp, kolonnamen birge Qonaev qalasynda marafon aıaqtalady. Biz - bárimiz áýesqoı-marafonshy sportshylarmyz. Osyndaı jarystarǵa belsene qatysamyz, - dep bólisti komanda kapıtany Qaıyrbolat Egeýbaev.
Marafonǵa qatysýshylardyń eń jasy 14 jasta, al eń úlkeni — 83 jasta.