Týrnırdi Almaty qalasynyń sport basqarmasy uıymdastyrdy. Tóreshilikti Almaty fýtbol federasıasy qamtamasyz etti.
Jaıaý fýtbol - 50 jastan asqan adamdarǵa arnalǵan fýtbol túri. Ol Ulybrıtanıada ártúrli sebeptermen dástúrli oıyndy oınaı almaıtyn egde jastaǵy fýtbol áýesqoılary úshin jasalǵan. Oıyn erejelerine sáıkes, júgirýge bolmaıdy. Eger oıynshy júgirse, onda qarsylastyń paıdasyna aıyppul taǵaıyndalady. Oıyn kezinde dop basynan joǵary kóterilmeýi kerek.
- Búgingi jaıaý fýtboldan týrnırdi alǵash ret ótkizip jatyrmyz. Biz bul sharaǵa reglament jasap, ony turaqty etemiz. Qazirgi tańda Almaty qalasynyń Birinshi chempıony ataǵy oınatylýda, - dedi Almaty qalasy boıynsha fýtboldyń bas hatshysy Vladımır Ahýnov.
Aıta ketý kerek, jaıaý fýtbol oınaý júrek-qantamyr júıesin nyǵaıtýǵa kómektesedi.
- Jaıaý fýtbol halyqty saýyqtyrý úshin arnaıy jasalǵan. Ol medısınalyq sebeptermen júgirýge tyıym salynǵan adamdardy qamtıdy, - dep bólisti is-sharany uıymdastyrýshysy Adambekov.
Oıyn qorytyndysy boıynsha oryndar kelesideı bólindi:
1-oryn - Almaty qalasy fýtbol federasıasynyń fýtbol komandasyna, 2-oryn - "Jeltoqsan" fýtbol komandasyna jáne 3-oryn - "Real" fýtbol komandasyna tabystaldy.
Sondaı-aq, qazylar alqasynyń músheleri "Marsıandyq" fýtbol komandasyn erekshe atap ótip, olarǵa estelik syılyqtar berdi.
Jaıaý fýtboldan birinshi týrnırdiń jeńimpazdary dıplomdarmen jáne baǵaly syılyqtarmen marapattaldy.