Úkimet tıisti qaýly qabyldady.
Qazaqstanda kásiptik bilimi joq jáne jumyssyz júrgen jastardy jumysqa ornalastyrý boıynsha belsendi kómek kórsetilip, ózge de qoldaý sharalary qolǵa alynady, dep habarlaıdy Almaty-akshamy.kz
Qujat "bilimi joq jáne jumyssyz" jastarmen (NEET sanaty) naqty jumys júrgizetin birqatar ortalyq memlekettik organnyń quzyretin aıqyndaıdy. Osylaısha, Eńbek jáne halyqty áleýmettik qorǵaý mınıstrligine ýaqytsha jumyssyz qalǵan jastardyń jumysqa ornalasýyna kómektesý, sondaı-aq jastardy jumyspen qamtý boıynsha memlekettik-áleýmettik tapsyrystyń oryndalýyn baqylaý júkteldi. Al Mádenıet jáne sport mınıstrligi jastardyń bos ýaqytyn uıymdastyrýǵa baǵyttalǵan mádenı jáne t. b. is-sharalar keshenin júzege asyrady.
Budan bólek, Qaýlyda jastarmen jumys jasaıtyn mamandardyń biliktilik sıpattamasyn, jastar eńbek jasaqtaryn qurý erejelerin, sondaı-aq jastardy damytý ındeksin engizý qaǵıdalaryn bekitýge múmkindikter jasalǵan.