Jastardy eńbekke baýlý jáne mamandyqtaryn durys tańdaýǵa baǵyt berý – mańyzdy isterdiń biri. Sanaly túrde tańdalǵan mamandyq jeke tulǵanyń bolashaq ómirine áser etedi. Bolashaqtaǵy kásibı maqsatyna durys baǵyt alǵan oqýshy boıyndaǵy qabiletin shyǵarmashylyqpen damyta bilse, sapaly maman retinde qalyptasatyny belgili. Sol sebepti, qazirgi tańda oqýshylarǵa kásibı baǵdar usynyp, keńes aıtý úlken mańyzǵa ıe.
Kásiptik baǵdar berý jumysy búgingi tańda eń kóp talqylanatyn taqyryp jáne jıi kóteriletin ózekti suraqtardyń qatarynda. Almaty kópsalaly kolejiniń ujymy osyǵan oraı atqarylatyn naqty sharalardy anyqtap, josparly túrde júıeli júzege asyrýda. Óıtkeni, bizdiń oqý ornymyz tehnıkalyq jáne kásiptik bilim berýge baǵyttalǵan jáne zaman talabyna saı túrli mamandar daıarlaıtyn uıymshyl, bilikti mamandardan quralǵan ujym. Oqý bóliminiń uıymdastyrýymen túrli formatta is-sharalar, mektep oqýshylary arasynda saýalnamalar ótkiziledi. Solardyń nátıjesi boıynsha tizim jasalyp, kásibı ózin-ózi anyqtaý baǵdary júrgiziledi, kezdesýler, trenıńter, sheberlik synyptary, túrli aksıalar ótkiziledi. Qala mektepterimen kelisimshart arqyly tyǵyz baılanystamyz. Oqýshylardyń alǵa qoıǵan maqsattaryn qoǵam múddelerimen sáıkestendirip, mamandyqtar týraly aqparat taratylyp, jastardyń qyzyǵýshylyǵyn arttyrý úshin olardyń bolashaq mamandyqty durys tańdaýyna baǵyt beriledi. Sonymen qatar, praktıkalyq jumys aıasynda mekteptiń 9-synyp oqýshylary áleýmettik seriktester bazalaryna ekskýrsıaǵa jiberý tájirıbesi qalyptasqan.
· Taqyrypqa oraı
Asylhan Beısetbaev, Almaty kópsalaly koleji dırektory:
– Bilim negizgi ról atqaratyn qazirgi aqparattyq qoǵamda, kolej jemisti jetistikterge jetý úshin oqýshylardyń óskeleń talabyn qanaǵattandyrý, rýhanı baılyǵyn damytý, tájirıbelik daǵdylaryn jetildirý maqsatynda zamanaýı qural-jabdyqtarmen jabdyqtalǵan quzyrettilik ortalyǵyn usynady.
Almaty kópsalaly koleji – qazirgi zamanaýı talaptarǵa saı, jan-jaqty suranysqa ıe mamandyq ıelerin daıarlaıtyn tehnıkalyq-kásiptik bilim berý ordasy, ınovasıalyq tehnologıany meńgerýge jáne sol úrdispen oqytýǵa barlyq múmkindikter qarastyrylǵan, qarqyndy damyp kele jatqan jáne ýaqyt talabyna beıimdelgen bilim berý mekemesi. Kolejimizdiń basqa oqý ordalarynan artyqshylyǵy da osynda.